उ तिम्रा लागि थियो
तिमि त्यसका लागि भएनौ
समय तिम्रै थियो
तिमि क्षितिज पारि थियौआज समय फेरिएको छ
अनि रुप बदलिएको छ
अव चाहेर नचाहेर पनि
अविश्रान्त वग्ने समयको गतिशिलता भित्र
सायदै भेटिनेछ तिम्रो अस्तित्व,
अव के सजाउँछौ
अनि के पहिरिन्छौ
समय घर्किए पछि,
दिन फर्किए पछि
अनि तुक न वे तुकका तिम्रा
वैचारिक विम्व भित्र
कुनै सजिवता भेटिनेछैन
र हुने छैन तिम्रा अनुहारमा कुनै जिवनशीलता
त्यसैले आउ अव डाँडामा घाम छँदै
उज्यालोले आकास नछोडुन्जेल
तिम्रा मानसपटलमा लागेका अन्धकार चिर्न
कुनै त्यस्तो जाज्वल्यमान दियालो खोजि गरौं
र
डङ्गुर समयका कथा भित्र
तिम्रा असरेल्ल सपनाको खोजि गरौँ
अनि रोपौँ सजिव चेतनाका विजहरु
धर्तिमा रात नपस्दै,
चराहरु वास नवस्दै । ।
